БМТ Бош Ассамблеяси 2017 йилни Туризм халқаро йили деб эълон қилди, дея хабар бермоқда БМТ янгиликлар маркази.
Бу борадаги резолюцияда Ассамблея делегатлари барча давлатларга барқарор тараққиётни рағбатлантириш ва тезлаштириш, қашшоқликка барҳам бериш воситаларидан бири сифатида туризмни ривожлантиришга кўмак беришни таклиф қилди.
БМТ маълумотларига кўра, ҳар йили бир миллиарддан ортиқ киши бошқа мамлакатларга саёҳат қилади. Шу туфайли туризм иқтисодиётнинг етакчи секторига айланди, унинг ҳиссасига глобал ялпи ички маҳсулотнинг ўн фоизи ва умумий дунё экспортининг олти фоизи тўғри келади.
Изоҳ (0)