Ўзбекистон Президенти Ислом Каримов Каспий денгизидаги Озарбайжонга тегишли нефть қазиб олиш платформасида юз берган ёнғинда одамлар ҳалок бўлгани муносабати билан Озарбайжон президенти Илҳом Алиевга ҳамдардлик билдирди. Бу ҳақда Озарбайжон президенти матбуот хизмати хабар берди.
«Ҳалок бўлганларнинг яқинларига чуқур ҳамдардлик ва кўмак сўзларини етказишингизни сўрайман», — дейилади 7 декабрь куни йўлланган таъзияномада.
Маълумот учун, Озарбайжонга тегишли «Гюнешли» нефть конининг 10-сон платформасида 4 декабрь куни кечқурун кучли бўрон оқибатида ёнғин келиб чиққан. Қутқарув операцияси давомида 33 киши қутқариб қолинган, 23 киши бедарак йўқолган. «Day.az» хабарига кўра, ҳозиргача етти кишининг жасади топилди.
Изоҳ (0)