O‘zbekiston Prezidenti Islom Karimov Kaspiy dengizidagi Ozarbayjonga tegishli neft qazib olish platformasida yuz bergan yong‘inda odamlar halok bo‘lgani munosabati bilan Ozarbayjon prezidenti Ilhom Aliyevga hamdardlik bildirdi. Bu haqda Ozarbayjon prezidenti matbuot xizmati xabar berdi.
“Halok bo‘lganlarning yaqinlariga chuqur hamdardlik va ko‘mak so‘zlarini yetkazishingizni so‘rayman”, — deyiladi 7-dekabr kuni yo‘llangan ta’ziyanomada.
Ma’lumot uchun, Ozarbayjonga tegishli “Gyuneshli” neft konining 10-son platformasida 4-dekabr kuni kechqurun kuchli bo‘ron oqibatida yong‘in kelib chiqqan. Qutqaruv operatsiyasi davomida 33 kishi qutqarib qolingan, 23 kishi bedarak yo‘qolgan. “Day.az” xabariga ko‘ra, hozirgacha yetti kishining jasadi topildi.
Izoh (0)