Тошкент шаҳрида 7 декабрь, душанба куни маҳаллий вақт билан 12:52 да ерости силкинишлари сезилди. Ўзбекистон рақамли сейсмик тармоғи маълумотларига кўра, шаҳарда Рихтер шкаласи бўйича 3 балли зилзила кузатилган.
Европа-Ўрта Ер денгизи сейсмологик маркази маълумотларига кўра, зилзила эпицентри Тожикистон ҳудудида бўлган. Хабар беришларича, эпицентрда зилзила магнитудаси 7,2 га тенг бўлган (бу сўнгги бир йилда давомида жаҳон бўйича кузатилган энг кучли зилзилалардан биридир), ўчоғи 10 километр чуқурликда бўлган.
Тожикистон ҳудудида рўй берган кучли зилзила Ўзбекистоннинг бошқа шаҳарларида, хусусан, Фарғона водийси шаҳарларида, Самарқандда ҳам сезилгани ҳақида ижтимоий тармоқларда хабарлар қолдирилган.
Самарқандда 2 балл гдето
— Shuhrat Shokirjonov (@shokirjonov) December 7, 2015
https://twitter.com/temuriy1/status/673772676993953792
Andijonda ham yaxshigina yer qimirladi
— Iskandar Ikromov (@Andajon) December 7, 2015
Qatiq qimirladi. Quqondayam. Sentiri qatdekan
— Marble_Kokand_Business (@Diller_officil) December 7, 2015
Ер қимирлади.
— Фарходжон Узоков (@Farhod_JON) December 7, 2015
Зилзила оқибатида жабрланганлар ва эҳтимолий вайронагарчиликлар ҳақида ҳозирча маълумот йўқ.
Бунгача ўтган бир ой давомида Қирғизистон ва Афғонистон ҳудудида юз берган зилзилаларнинг аксарияти Ўзбекистон ҳудудида ҳам сезилган эди. Жумладан, Тошкентда 17 ноябрь куни 22:29 да 2,5—3 балли, 20 ноябрь куни 9:46 да эса 2 балли, 21 ноябрь куни 5:16 да 2 балли, 22 ноябрь куни соат 23:16 да 1—2 балли, 25 ноябрь куни соат 21:45 да Андижонда 2 балли, 1 декабрь куни соат 11:14 да 2,5 балли зилзилалар сезилди.
Аввалроқ Ўзбекистон Сейсмология институти Тошкент шаҳрида 10 балли ер силкиниши содир бўлиши ҳақидаги миш-мишларни рад этиб чиққанди. Бундан ташқари, 2015 йил охиригача Ўзбекистонда зилзилалар ҳақида тезкорлик билан маълумот берувчи сейсмостанциялар тармоғи ташкил этилиши маълум қилинган.
Изоҳ (0)