Ироқ ҳудудида Америка махсус топшириқли бўлинмаларининг бўлиши мамлакатга қарши тажовуз деб баҳоланади. Бу ҳақда Ироқ бош вазири Ҳайдар ал Ободий маълум қилди, деб ёзади «Сегодня.ua».
«Биз яна бир марта қатъиян таъкидлаймизки, Ироқ ўз ҳудудига бошқа мамлакатларнинг қуруқликдаги қўшинлари киришини истамайди, шундай экан, уларни юбормасликни сўраймиз. Бундай қўшинларнинг жўнатилишини тажовузкорлик ҳаракати дея баҳолаймиз», — деди у.
Нашр эслатишича, аввалроқ АҚШ ИШИДга қарши курашда кўмак бериш учун Ироқ ҳудудига юзга яқин Америка махсус топшириқли бўлинмалари жангчиларини жойлаштириш қарори ҳақида эълон қилган эди.
Изоҳ (0)