Цюрихда қўлга олинган икки нафар ФИФА мансабдори АҚШга ўз истагига кўра экстрадиция қилишларини рад этди. Бу ҳақда Швейцария адлия ва полиция департаменти маълум қилди, дея хабар беради «Интерфакс».
Швейцария полициясининг аниқлик киритишича, ҳибсга олинганлар — Шимолий ва Марказий Америка ҳамда Кариб ҳавзаси давлатлари футбол конфедерацияси (КОНКАКАФ) президенти Альфредо Хавит Гондурас, Жанубий Америка футбол конфедерацияси раҳбари Хуан Анхель Напоут эса Парагвай фуқароси ҳисобланади.
Швейцария қонунларига кўра, ушбу мамлакат адлия департаменти экстрадиция учун расмий сўров тақдим этишини сўраб, АҚШ адлия вазирлигига мурожаат қилади. Мазкур ҳужжатлар келиб тушгунига қадар икки мансабдор ҳам ихтиёрий равишда АҚШга экстрадиция қилишларини сўраши мумкин.
Эслатиб ўтамиз, олдинроқ 3 декабрь, пайшанба куни Швейцария полицияси Цюрихда ФИФА ижроия қўмитаси йиғилишига келган мансабдорлар орасида ҳибсга олишларни амалга оширгани ҳақида хабар бергандик.
Изоҳ (0)