Испаниянинг «Барселона» футбол клуби ярим ҳимоячиси Хавьер Маскерано 816 минг евро миқдорида жаримага тортилди ва шартли равишда бир йилга озодликдан маҳрум этилди. «ТАСС» хабарига кўра, суд уни солиқ тўламаганликда айбдор деб топган, футболчи айбини тан олган.
Тергов маълумотларига кўра, Маскерано 2011—2012 йиллар давомида ўз ташқи кўринишидан фойдаланиш ҳуқуқларини сотишдан олган даромадларини ҳукуматдан яширган ва 1,5 миллион еврога яқин солиқларни тўламаган.
Сентябрь ойида Маскерано шунча миқдордаги пулни тўлаб, бунга 200 минг евро миқдоридаги жарима тўловини ҳам қўшимча қилганди.
Эслатиб ўтамиз, Маскерано 2010 йили Англиянинг «Ливерпул» жамоасидан «Барселона»га ўтган эди.
Изоҳ (0)