Россия Федерал хавфсизлик хизмати Таиланд махсус хизматларини мамлакатга ИШИДга алоқадор ўн нафар суриялик киргани ҳақида хабардор қилди, деб ёзади «РБК». Улар курортларга ҳужум қилиши, улар кўзлаган нишон, эҳтимол, россияликлар бўлиши мумкин.
Федерал хавфсизлик хизматининг Таиландга жўнатган расмий хатида айтилишича, сурияликлар Таиландга 15 ва 31 октябрь оралиғида кириб келган.
Таиланд полицияси раҳбари ўринбосари сўзларига кўра, ҳукумат сурияликларнинг қаерга кетгани, улар мамлакатда қолган-қолмаганини билмайди. «Ҳозирча ҳеч қандай шубҳали нарсага дуч келганимиз йўқ, ҳаммаёқ тинч», — деди у.
Изоҳ (0)