Мисрда ҳалокатга учраган A321 рейси қурбонларининг қариндошлари авиаҳалокатдан кейин бир ой ўтган бўлса-да, ҳалок бўлганларнинг жасадлари дафн этилиши учун берилмаётганлиги сабабини тушунтиришни сўраб, Россия Тергов қўмитасига мурожаатнома тайёрлашаяпти. Бу ҳақда «ТАСС» хабар бермоқда.
30 га яқин оила ўз яқинларининг жасадларини ололмаяпти.
«Ҳозирда жасадларни беришни сўраб Тергов қўмитасига мурожаат қилинади, чунки бунинг сабаблари тушунарсиз. ДНК экспертизаси ўтказилаётганлиги ҳақида фикр бор, лекин у тез ўтказилади. Агар уни ўтказиш учун маълумот керак бўлса, қариндошлар чақиртирилиши керак, бироқ уларни ҳеч ким чақиргани йўқ ва бу ҳаракатсизликни тушуниб бўлмайди», ― дея таъкидлайди ҳалокатга учраган A321 рейси қурбонлари яқинларидан бир қисмининг манфаатини химоя қилувчи адвокат Игорь Трунов.
Адвокатнинг хабар беришича, у шу каби 30 та ҳолатдан хабардор, лекин шу каби муаммога дуч келганлар сони кўпроқ бўлиши мумкин.
Изоҳ (0)