Туркия россиялик учувчининг жасадини Шимолий Суриядан олиб ўтиб, 29 ноябрь, якшанба куни россиялик дипломатларга топширди, дея хабар бермоқда «Европейская Правда».
Олег Пешковнинг жасади солинган тобут тез ёрдам машинасида Туркия жанубида, Сурия билан чегара яқинидаги Хатай аэропортининг ёзги майдонига етиб келди. Сўнг Анқарага етказилди, уни аэродромда Россия элчиси ва ҳарбий атташеси кутиб олди. Жасад Россияга қачон қайтарилиши хабар берилмаяпти.
Эслатиб ўтамиз, 24 ноябрь куни Сурия осмонида уриб туширилган Су-24 бомбардимончи самолёти Суриянинг Латакия провинциясига, Туркия чегарасига яқин бўлган ҳамда Россия авиацияси базаси жойлашган ҳудудга қулаган эди.
Изоҳ (0)