БМТ бош котиби Пан Ги Мун Су-24 самолёти уриб туширилганидан сўнг Россия ва Туркия ўртасида юзага келган можароли вазиятдан чуқур хавотирда эканлигини билдириб, икки давлатни муносабатлардаги кескинликни юмшатишга чақирди. Бу ҳақда Парижда 30 ноябрь, душанба куни ўз ишини бошлайдиган иқлим бўйича халқаро анжуманга етиб келган бош котиб Associated Press агентлигига берган интервьюсида маълум қилди, дея хабар беради «ТАСС».
«Икки мамлакат етакчиларини кескинликни пасайтиришга даъват қиламан. Агар коалиция бўйича шерикларда келишмовчилик ва кескинлик кузатилса, бу ҳолат терроризмга қарши кураш учун умумий саъй-ҳаракатларни сафарбар этишда ёрдам бермайди», — дея таъкидлаган Пан Ги Мун.
Изоҳ (0)