«Ўт билан ўйнашаётган» Россия, қозоқ Чингизхон, бели очиқ Лола ва куннинг бошқа энг муҳим янгиликлари

«Дарё»да янги доимий рукн — ҳар куни энг муҳим янгиликларнинг кечки дайжести бериб борилади.

1. Туркия президенти Эрдўғон Россияга «ўт билан ўйнашмаслик»ни маслаҳат берди. Яна, Путинга 30 ноябрь куни Парижда учрашиб, гаплашиб олишни таклиф қилди. Воқеаларнинг тўлиқ ривожини эса «Дарё»нинг алоҳида хабарлар оқимида кузатиш мумкин.

2. Ўзбекистон, Қозоғистон ва Россия олимлари Чингизхоннинг қозоқ миллатига мансуб бўлганини исботлайди. Нима бўлганда ҳам, қозоғистонлик ёш олимлар Чингизхоннинг қозоқ бўлиб чиқишини исботлашга нега қизиқиб қолгани қизиқарли.

3. Исроил билан юзага келган можаронинг авж олиши оқибатида фаластинлик қурбонларнинг сони 100 нафарга етди. Бу Исроил—Фаластин можароси бўйича бугунги ягона хабар эмас — бир фаластинлик машинасида исроиллик икки ҳарбийни уриб кетди.

4. Самвел Бабаян Ўзбекистон олимпия терма жамоаси бош мураббийи этиб тайинланди. Умуман, бугун тайинланувлар куни — Тошкентнинг «Локомотив» футбол клуби ҳам Абрамов кетганидан кейин бўшаб қолган ўринга доимий хўжайин топди.

5. Хонанда Лола Йўлдошева бели очиқ адрас либоси учун танқид қилганларни меҳр ва нур таратишга чақирди. Бошқа шоу-бизнес янгиликлари ҳам бор — Лоланинг яқин дўсти ҳисобланган бошқа бир хонандани маймунлар тунаб кетди, Нигорага ва ниҳоят уйланган Ойбек умрида биринчи марта оила қурганига ҳаммани ишонтиришга ҳаракат қиляпти.