Ўзбекистон автомобиль ва дарё транспорти агентлиги томонидан «Кексаларни эъзозлаш йили» Давлат дастури ижроси ҳамда енгил таксиларда таксометр ускуналарининг жорий этилишига бағишланган матбуот анжумани ўтказилди, дея хабар бермоқда ЎзА.
Ўзбекистон Республикаси Вазирлар Маҳкамасининг 2011 йил 18 майдаги «Йўналишсиз таксилар фаолиятини тартибга солиш чора-тадбирлари тўғрисида»ги қарорига асосан Йўналишсиз таксилар учун ягона таниш белгилари ва уларнинг ишларини ташкил этишга қўйиладиган талаблар тўғрисида низом ишлаб чиқилди. Унга мувофиқ йўловчиларга қулайлик яратиш мақсадида таксометр тизими жорий этилди. Мақсад йўналишсиз таксилар фаолиятини тартибга солиш ва йўловчиларга сифатли ва қулай автотранспорт хизмати кўрсатишга эришишдан иборат.
«Ўзахбороттранс» масъулияти чекланган жамияти ҳам таксилар фаолиятини тартибга солиш ва йўловчиларга сифатли хизмат кўрсатиш борасида тизимли ишларни амалга оширмоқда. Жамият томонидан хорижий давлатларда амалда бўлган таксометр қурилмалари олиб келиниб, синовдан ўтказилди. Улар орасидан мамлакатимиздаги шарт-шароитлар ва талабларга яқин бўлган таксометр-назорат касса машинаси танлаб олинди. Бу мослама маълум вақт давомида фойдаланилгач, қурилма ҳар жиҳатдан такомиллаштирилди.
Бугунги кунда DSТ-07 маркали таксометр-назорат касса машинаси Ўзбекистон Республикаси ҳудудида қўлланилиши рухсат этилган фиксал хотирага эга бўлган назорат-касса машиналарининг Давлат реестрига киритилди. «Ўзахбороттранс» жамияти томонидан 3 мингта шундай қурилма таксиларга ўрнатилиб, мамлакатимиз бўйлаб доимий ҳаракати таъминланди.
Изоҳ (0)