АҚШнинг Вашингтон штати Сиэтл шаҳридаги машҳур девор 20 йил ичида биринчи марта тўлиқ тозаланганидан сўнг, яна сақич билан қопланди, дея хабар бермоқда Mashable.
Ғишт бино тозаланганидан (10 ноябрда тозаланган) бир ҳафта ўтиб, унда яна кўпсонли ранг-баранг сақичлар пайдо бўлди.
Ғиштдан қурилган деворга зарар етказмаслик учун, у буғ ёрдамида тозаланган эди. Сақич қатламининг юзаси энига 15 метр, бўйига 4,5 метрни ташкил этган эди.
Пайк-Плейс йирик бозори яқинидаги Маркет-театр биноси деворига чайналган сақични ёпиштириш анъанаси 1993 йилда пайдо бўлган. Шу пайтгача муассаса ишчилари тўпланиб қолган сақичларни йўқ қилишга икки марта уриниб кўрган, бироқ бажара олмаган эди.
Изоҳ (0)