Франция бош вазири Мануэль Вальс мамлакатдаги фавқулодда ҳолат режими яна уч ойга узайтирилишини маълум қилди, деб ёзади «Газета.ru».
Фавқулодда ҳолат Париждаги кетма-кет терактлардан сўнг жорий қилинган эди. Режим муддатини узайтиришни президент Франсуа Олланд 15 ноябрь куни парламентдаги нутқи чоғида таклиф қилди.
Эслатиб ўтамиз, Парижда 13 ноябрь, жума куни терактлар кетма-кетлиги юз берди. Сўнгги маълумотларга кўра, қўпорувчилик ҳаракатлари оқибатида 129 киши ҳалок бўлган, 352 киши яраланган. Франция президенти Франсуа Олланд мамлакатда фавқулодда ҳолат тартибини жорий этган, мамлакатда уч кунлик мотам эълон қилинган эди.
- Воқеа:Париждаги терактлар
Изоҳ (0)