АҚШ президенти Барак Обама Эрондан нефть сотиб олишга қўйилган чекловни олиб ташловчи меморандумни имзолади, дея хабар бермоқда «Газета.ru» Оқ уй матбуот хизматига таяниб.
Обаманинг таъкидлашича, унинг маъмурияти аввалроқ Венада Эрон ядро дастури бўйича қабул қилинган келишувга мувофиқ Эрон нефтини сотиб олишни бошқа тақиқламайди.
Нашр таъкидлашича, энди Эрон бозорга суткасига яна 0,7— 1 миллион баррель нефть чиқара олади. Бироқ нефть шундоқ ҳам мўл бўлиб турган бир пайтда унинг қўшимча миқдорда пайдо бўлиши, шунингдек, Эрон томонидан бўладиган эҳтимолий демпинг (чет эл бозорларида молни арзон сотиш) нархларни тушириб юбориши мумкин.
Эронга нисбатан нефть санкциялари 2012 йилдан амал қила бошлаган, ўшанда Эрон АҚШ ва Буюк Британияга нефть сотишни тўхтатган эди. 2013 йилда нефть Евроиттифоқнинг бошқа мамлакатларига ҳам етказиб берилмай қўйди.
Изоҳ (0)