Полиция Москва шимоли-ғарбида жойлашган ўзбек кафесига уюштирилган ҳужум ташкилотчисини қўлга олди. Бу ҳақда пойтахт ички ишлар бошқармаси матбуот хизмати раҳбари Андрей Галиакберов маълум қилди, дея хабар беради «Интерфакс».
«Ҳужум ташкилотчиларидан бири, Шимолий Кавказ федерал округида истиқомат қилган 32 ёшли кимса Подмосковьеда қўлга олинди. Унга нисбатан ‘Безорилик’ моддаси бўйича айблов эълон қилинди. Ҳужумнинг қолган иштирокчиларини қидириш давом этмоқда», — дея таъкидлаган Галиакберов.
Эслатиб ўтамиз, 15 ноябрь, якшанба куни кечки пайт Москванинг Авиация кўчасида жойлашган «Я Самарканд» кафесига ниқоб таққан 19 нафар босқинчи бейсбол таёқчалари билан ҳужум қилган. Кафе ходимларидан бири, Ўзбекистон фуқароси бўлган шахс безорилардан қочишга уриниб, иккинчи қават деразасидан сакраган ва оёғини синдириб олган. Жабрдийда касалхонага ётқизилган.
Изоҳ (0)