Москвадаги Басманний суди келгуси ҳафтада Борис Немцов ўлдирилиши бўйича жиноий иш қатнашчиларини ҳибсда сақлаб туриш муддатини узайтириш масаласини кўриб чиқади. Бу ҳақда «Коммерсант.ru» хабар бермоқда.
«Тергов қўмитаси уларни ҳибсда сақлаш муддатини 2016 йил февралигача узайтиришни сўрамоқда», — дея маълум қилган суд матбуот котиби Анна Фадеева.
Немцовнинг ўлдирилиши бўйича очилган жиноий иш доирасида беш киши — Заур Дадаев, Анзор Губашев, Шадид Губашев, Ҳамзат Бахаев ва Тамерлан Эскерханов қамоққа олинган. Тергов Заур Дадаевни сиёсатчининг бевосита қотили, қолганларни эса унинг шериклари сифатида кўрмоқда.
Басманний суди 18 ноябрь куни Борис Немцов ўлдирилишининг ташкилотчиси бўлгани билдирилаётган Россия ИИВ ички қўшинлари собиқ ҳарбий хизматчиси Руслан Муҳиддиновни сиртдан ҳибсга олгани тўғрисида хабар бергандик. Суд қарори кучга киргач, айни пайтда Бирлашган Араб амирликларида яширингани тахмин қилинаётган Муҳиддинов Интерпол томонидан қидирилади.
Изоҳ (0)