АҚШ Давлат департаменти огоҳлантиришича, Римдаги Авлиё Пётр собори, Милан собори ва Ла Скала опера театри, шунингдек, синагоглар, черковлар, ресторанлар, театрлар ва меҳмонхоналар каби бошқа жамоатчилик жойлари Италиянинг ушбу икки шаҳрида террорчилик ҳужумлари учун «потенциал нишонлар» бўлиши мумкин. Бу ҳақда «Сегодня.ua» хабар бермоқда.
АҚШнинг Римдаги элчихонаси 19 ноябрь, пайшанба куни эрталаб «АҚШ фуқаролари хавфсизлиги ҳақидаги хабар»ни тарқатди, унда «террорчилик гуруҳлари яқинда Парижда амалга оширилган ҳужумлардаги каби услублардан фойдаланиши мумкин»лиги қайд этилади.
Хат матнида таъкидланишича, «Италия ҳукумати ушбу хавфлардан хабардор».
Бир неча соат аввалроқ Италия давлат телеканали Федерал қидирув бюроси Италия ҳукуматига терактлар учун эҳтимолий нишонлар тўғрисидаги ахборотни жўнатганини хабар қилган эди.
Изоҳ (0)