International Business Travel компанияси 2—5 февраль кунлари АҚШнинг Лас-Вегас шаҳрида бўлиб ўтадиган World of Concrete 2016 қурилиш индустрияси бўйича халқаро кўргазма ва анжуманга тўртинчи анъанавий саёҳат учун делегация иштирокчиларини танлаб олмоқда.
World of Concrete — бетон ва цементдан қуришга бағишланган дунёдаги энг йирик қурилиш кўргазмаларидан бири бўлиб, 1975 йилдан буён Technology for Construction қурилиш технологиялари кўргазмаси билан биргаликда ўтказиб келинади. Кўргазма ташрифчилари бизнесни янада ривожлантириш учун зарур бўлган барча буюмлар, манбалар ва қимматли ахборотларни топиши мумкин. Бу ерда бетон ва тошдан бино ва иншоотлар қуриш учун маҳсулотлар, ярим тайёр маҳсулотлар, машиналар, транспорт ва ускуналарнинг жуда кенг танлови тақдим этилади. Профессионал қурувчилар қурилиш материаллари, энг янги технология ва ускуналар, меъморий, муҳандислик ва дизайнерлик ечимлари билан танишиши мумкин. Бу бутун дунёда бетон ва тош билан ишлаш соҳасидаги мутахассислар учун тижорий қурилиш индустриясидаги биринчи, энг катта ва энг муҳим анъанавий халқаро тадбирдир.
World of Concrete 2016 кўргазмаси доирасида анъанавий анжуман, ғишт ва тошдан қуришга ихтисослаштирилган World of Masonry («Ғишт дунёси») кўргазмаси ўтказилади, шунингдек, соҳанинг профессионал экспертлари 100 дан ортиқ семинар ташкил қилиб, у ерда қурилиш саноатига тегишли муҳим мавзулар кўриб чиқилади, соҳа динамикаси муҳокама қилинади. Кўргазмадаги очиқ майдонларда замонавий техника ишлари намойиш этилади ва янги технологиялар синовдан ўтказилади.
IBT делегацияси иштирокчилари учун афзалликлар:
- экспозицияларга бепул ташриф буюриш;
- кўргазма марказидаги lounge vip ҳудуддан фойдаланиш;
- Сафарни ташкиллаштиришда кўмак бериш;
- Визани расмийлаштиришда кўмак бериш.
Ушбу кўргазмага ташриф буюриш Ўзбекистон қурилиш индустрияси вакиллари учун анъанага айланиб бормоқда. Бунгача учта делегация жўнатилган бўлиб, улар ташриф якунида бетон ишлаб чиқариш бўйича кўчма мини-завод, кўчма бетон териш мосламасини етказиб бериш, шунингдек, турли рангли махсус цемент буюртма қилиш ҳақидаги битимларни имзолади.
Кўргазмада қатнашиш ҳақида батафсил маълумотларни IBT компанияси сайти (http://uz.ibt.uz/tours/288)дан ёки қуйидаги телефон рақамлари орқали олиш мумкин:
+99890 998 64 45, +99890 993 00 25, +99890 977 24 25
Ҳужжатларни топшириш муддати — 2015 йилнинг 10 декабри.
Реклама ҳуқуқи асосида. Хизматлар лицензияланган
Изоҳ (0)