Айни вақтда Ўзбекистонда бўлиб турган BBC Scotland’нинг тасвирга олиш гуруҳи «Ипак йўли бўйлаб Доктор Сем Виллис билан» ҳужжати фильмини суратга олмоқда. Бу ҳақда, «Ўзбектуризм» миллий компанияси матбуот хизматига асосланиб, «12news.uz» хабар бермоқда.
Томошабинлар бошловчи билан бирга Ипак йўли бўйлаб саёҳат қилиб, қадим даврларнинг энг сердаромад савдо йўли тамаддунлар ҳаётини қанчалик ўзгартириб юборганидан бохабар бўлади, Самарқанд ва Бухоронинг унутилмас меъморий ёдгорликларини томоша қилади, ҳунармандлар, шоирлар ва машшоқлар билан учрашади.
Самарқандга қадар тезюрар поездда саёҳат қилиш Ўзбекистон келажакка интилаётган замонавий бир мамлакат эканлигини, айни вақтда, Ипак йўлининг ўзига хос сеҳри бугунги кунда ҳам сақланиб қолганини кўрсатади.
Фильм 2016 йил февралида BBC телеканалида намойиш этилиши режалаштирилмоқда.
Изоҳ (0)