Google Inc. акциялари нархи 13 ноябрь, жума кунги савдоларда 16,3 фоизга — рекорд даражадаги 699,62 долларга кўтарилиб кетди, компания капитализацияси бир сессияда 66,9 миллиард долларга ошди, бу Уолл-стритда қайд этилган максимал бир кунлик ўсишдир, деб ёзади «Интерфакс».
13 ноябрь куни бозор ёпилишида Google капитализацияси 478 миллиард долларга тенг бўлган.
Google бозор нархининг бир сессиядаги ўсиши Уолл-стрит учун рекорд даражада бўлди, у Apple Inc. ва Cisco Systems капитализациясидаги сакрашларни ортда қолдирди.
Нашр эслатишича, Apple’нинг бозор қиймати 2012 йил 25 апрель куни бир кунда 46 миллиард долларга ошиб кетган эди, Cisco эса 2000 йил 17 апрелда капитализациясини 66,1 миллиард долларга кўпайтирган.
Камида бешта брокерлик компаниялари — JPMorgan, Bernstein Research, Nomura Research, Jefferies ва Evercore Google акциялари нархи янада ўсишини кутмоқда.
Изоҳ (0)