Apple раҳбари Тим Кук талабалар билан мулоқоти чоғида «Сизларнинг фарзандларингиз нақд пул нималигини билмайди», дея башорат қилди. Бу ҳақда «Mail.ru» хабар бермоқда.
Тим электрон пуллар келажакда нақд пулларни тўлиқ ўрнини босиши, смартфонлар орқали тўловлар эса ҳамёнларни сиқиб чиқаришини назарда тутган кўринади. У олдинроқ «2015 йилни бемалол Apple Pay йили деб аташ мумкин»лиги ҳақида баёнот берганди.
Айни пайтда чиндан ҳам нақд пул айланмаси камайиб бораётганини кузатиш мумкин. Бироқ у ҳали етакчилик мавқейини бой бергани йўқ: Буюк Британияда тўловларнинг 50, Росияда эса 80 фоизи нақд пулга тўғри келмоқда. Apple Pay эса барқаро ўсишни намоён этаётганига қарамай, саноқли мамлакатлардагина жорий этилганини қайд этиш мумкин.
Изоҳ (0)