Париждаги терактдан сўнг интернетда энг кўп муҳокама қилинган мавзулардан бири Facebook’нинг «хавфсизликни текшириш» функцияси бўлди — ижтимоий тармоқ ўзининг франциялик фойдаланувчиларига мазкур хизматдан фойдаланиш имконини тақдим этди, бироқ бир кун аввал Байрутда юз берган терактни Facebook эътиборсиз қолдирганди, дея ёзади TJ.
13 ноябрь, жума куни оқшомда Парижда уч соат давомида террорчилик ҳаракатлари кетма-кетлиги юз берди, оқибатда 130 га яқин одам ҳалок бўлди. Facebook компанияси мазкур ҳодисага эътибор қаратиб, хавф ҳудудида бўлган одам ўз яқинларига аҳволи яхши эканлиги ҳақида хабар бериш имконини тақдим этувчи махсус хизматини ишга туширди.
«Хавфсизликни текшириш» (Safety Check) функцияси 2014 йилда жорий этилган. Хизмат 2011 йили Японияда юз берган вайронкор зилзила ва цунами сабаб ташкил этилган. Ижтимоий тармоқ жамоаси одамлар табиий офатлар вақтида ижтимоий тармоқдан фаол фойдаланаётганига эътибор қаратиб, тезкор хабар бериш учун қулай восита ишлаб чиққан.
Парижгача бу функциядан беш марта — Афғонистон, Чили ва Непалдаги зилзилалардан сўнг, Тинч океани жанубидаги «Пем» тропик циклони вақтида ва Филиппиндаги «Руби» тўфонидан кейин фойдаланилган эди.
Париждаги терактлар Facebook ижтимоий тармоғи Safety Check’дан табиий офат ҳисобланмаган ҳодиса учун фойдаланиши бўйича биринчи тажриба бўлди. Бу қарор кўплаб ижтимоий тармоқларда одамларнинг қувонч билан ташаккур билдириши билан бирга, компаниянинг «икки хил стандартда» ишлашидан қониқмаган фойдаланувчиларнинг норозилигига сабаб бўлди.
Гап шундаки, Париждаги воқеалардан бир кун аввал Ливан пойтахти Байрутда ҳам кетма-кет икки портлаш юз берган, оқибатда 40 дан ортиқ одам ҳалок бўлиб, 200 га яқин киши яраланган эди. Шунга қарамай, фожиа кўлами Facebook’ни Safety Check орқали ўз фойдаланувчиларига ёрдам беришга ундай олмаганди.
Ижтимоий тармоқларда фикр билдирувчилар бу ҳолатга, шунингдек, Facebook ўз фойдаланувчиларига, агар улар истаса, аватарларига Франция байроғини илова қилиш имкониятини тақдим этгани, айни вақтда, Ливан байроғи билан бундай хизмат таклиф этилмаганига ҳам эътиборни қаратган.
https://twitter.com/aya_chebbi/status/665487164063526912
Why has Facebook only activated "marked as safe" for Paris, but not Beirut? And why can you only use the French flag, not the Lebanese one?
— Designers 4 Justice (@Design_Justice) November 14, 2015
Terrorist attacks in Beirut, Lebanon and Paris to name a few but Facebook creates a French Flag Filter...
— Riya (@Tweets_By_Riya) November 14, 2015
Every life lost is equally tragic!
https://twitter.com/elle_mccann/status/665577323547217921
Баъзи фикр билдирувчилар эса рўйхатни давом эттириб, Facebook нима учун Бағдод, Дамашқ ёки Ғазо сектори учун Safety Check’дан фойдаланиш имкониятини тақдим этмаяпти, деб савол қўйди. Бошқалар эса АҚШ президенти Барак Обама Францияга ҳамдардлик билдириб, Ливанни эътиборсиз қолдирганини танқид остига олган.
And to answer many comments: yes, global outrage is selective. No Facebook safety check or Obama address for #Beirut yesterday.Sad but true.
— Mohamed El Dahshan (@eldahshan) November 14, 2015
#Facebook's safety status tool allows you to check on your friends, but ONLY in #Paris not in #Baghdad, #Damascus, #Gaza, or #Beirut.
— Sarí el-Khalili سري الخليلي (@Sari_AlKhalili) November 14, 2015
Жавоб баёнотида Facebook вакиллари Safety Check нисбатан янги функция эканини, ундан бунгача фақат табиий офатлар вақтида фойдаланилганини эслатиб ўтди. Айни вақтда, ижтимоий тармоқ мазкур функция янада ривожлантирилиши ва бундан кейин зарурат туғилиши билан ишга туширилишини маълум қилди.
«Бу каби ҳодисалар ортиқ такрорланмайди, деб умид қиламиз. Бироқ, яна шундай ҳолат юз берадиган бўлса, ушбу янги воситанинг Париждаги одамлар учун қанчалик муҳим аҳамиятга эга бўлганидан келиб чиқиб, уни ишга туширишга тайёрмиз, албатта», — дейилади Facebook баёнотида.
- Воқеа: Париждаги терактлар
Изоҳ (0)