Тошкент шаҳридаги туман газ таъминоти ташкилотларидан бирида назоратчи сифатида ишлаган шахс 40 га яқин хонадон эгаларининг газ ҳақи учун тўловларини ўз эҳтиёжи йўлида ишлатиб юборди. Бу ҳақда «Ҳуқуқ» газетасининг 5 ноябрь сонида ахборот берилган.
Тошкент шаҳар Олмазор тумани прокурори Саидкарим Мухторовнинг маълум қилишича, айбланувчи фуқаро 2009—2013 йиллар мобайнида туман газ ташкилотида ишлаб, шаҳарнинг Сағбон кўчасида истиқомат қилувчи 40 нафарга яқин хонадон эгаларининг 37 миллион сўмдан ортиқ тўлов пулларини ўзлаштирган.
Суд қонунбузар назоратчини 10 йил 6 ой муддатга озодликдан маҳрум этиш, шунингдек, ундан «Тошшаҳаргаз» филиали фойдасига 37 миллион сўмдан кўпроқ маблағни ундириш ҳақида ҳукм чиқарган.
Изоҳ (0)