Toshkent shahridagi tuman gaz ta’minoti tashkilotlaridan birida nazoratchi sifatida ishlagan shaxs 40 ga yaqin xonadon egalarining gaz haqi uchun to‘lovlarini o‘z ehtiyoji yo‘lida ishlatib yubordi. Bu haqda “Huquq” gazetasining 5-noyabr sonida axborot berilgan.
Toshkent shahar Olmazor tumani prokurori Saidkarim Muxtorovning ma’lum qilishicha, ayblanuvchi fuqaro 2009—2013-yillar mobaynida tuman gaz tashkilotida ishlab, shaharning Sag‘bon ko‘chasida istiqomat qiluvchi 40 nafarga yaqin xonadon egalarining 37 million so‘mdan ortiq to‘lov pullarini o‘zlashtirgan.
Sud qonunbuzar nazoratchini 10 yil 6 oy muddatga ozodlikdan mahrum etish, shuningdek, undan “Toshshahargaz” filiali foydasiga 37 million so‘mdan ko‘proq mablag‘ni undirish haqida hukm chiqargan.
Izoh (0)