Ўзбекистон 2015—2020 йилларда ялпи ички маҳсулотнинг ўртача йиллик ўсишини 8 фоиз даражасида сақлаб қолиш ниятида. Бу ҳақда Тошкентдаги Халқаро инвестиция форумида бош вазир биринчи ўринбосари, молия вазири Рустам Азимов маълум қилди, деб ёзади «Газета.uz».
«Иқтисодиётни модернизация қилиш дастурларини амалга ошириш натижасида ҳар йили ялпи ички маҳсулотнинг ўртача йиллик ўсишини камида 8 фоиз даражада таъминлашни режалаштирмоқдамиз», — деди Рустам Азимов.
Унинг таъкидлашича, ушбу рўйхатга умумий қиймати 51 миллиард долларга тенг иқтисодиётнинг саноат секторидаги, шунингдек, транспорт инфратузилмасини модернизация қилиш ва Ўзбекистоннинг транзит салоҳиятини оширишга қаратилган лойиҳалар киради.
Ҳукумат ҳисоб-китобларига кўра, белгиланган дастурларнинг амалга оширилиши 2021 йилгача саноат ишлаб чиқаришининг ўртача йиллик ўсиш суръати 9 фоиз бўлишини таъминлайди, бунда ЯИМ таркибидаги саноат секторининг ҳиссаси 30 фоизгача ўсиши керак (2014 йил якунларига кўра — 24 фоиз).
Изоҳ (0)