Ҳайвонлар ўз инстинкти даражасига кўра табиий офат, масалан, зилзиланинг яқинлашишини сезиши мумкин, дейди «Тошкент» марказий сейсмостанцияси лаборатория раҳбари Турдиали Ортиқов «Даракчи» газетасига берган интервьюсида.
Ортиқовнинг қайд этишича, инсоният тарихидаги энг вайронкор ерости силкинишларидан бири — 1948 йилги Ашхобод зилзиласи юз беришидан аввал айрим чўпонлар ер юзасида безовта ўрмалаб юрган кўплаб илонларни кўрган.
«Аммо, афсуски, Тошкентда юз берган ер силкинишлари арафасида итлар устида ўтказган тажрибаларимиз кутилган натижани бермади», — дейди Турдиали Ортиқов. Гап Тошкентда кузатилган қайси зилзила ҳақида бораётганига интервьюда аниқлик киритилмаган.
Laboратория раҳбарининг қўшимча қилишича, зилзилани олдиндан билиш масаласида ўзбекистонлик олимларнинг ҳам ҳиссаси катта. Хусусан, дунё сейсмологик амалиётида биринчи бўлиб кучли зилзилалар юз бериши олдидан ерости сувларининг кимёвий таркибида муайян ўзгаришлар юз бериши (129-рақамли кашфиёт), шунингдек, зилзиланинг бир қатор бошланғич аломатлари айнан Ўзбекистонда аниқланган.
Маълумот учун, 2015 йил 26 октябрь куни Афғонистоннинг Ҳиндикуш тоғларида юз берган 7,5 магнитудали зилзила кучи Тошкентга 5 магнитуда билан етиб келди. Шаҳар тарихидаги энг вайронкор зилзилалардан бири 1966 йил 26 апрель куни юз берган.
Изоҳ (0)