A321 қулаши оқибатида ҳалок бўлганлардан 33 кишининг шахси аниқланди, жасадларни яқинларига бериш бошланди. Бу ҳақда Санкт-Петербург губернатори ўринбосари Игорь Албин маълум қилди, дея хабар беради «ТАСС».
«4 ноябрь, чоршанба куни эрталабки ҳолатга кўра 33 кишининг шахси аниқланди, 22 нафар қурбоннинг оиласига буни тасдиқловчи ҳужжатлар берилди, яна 11 оилага тақдим этишга ҳозирлик кўрилмоқда. Бир кишининг жасади яқинларига топширилди. Ҳукумат комиссияси қарорига кўра, қидирув ҳудуди 40 квадрат километргача кенгайтирилди», — дея таъкидлаган Албин.
Шаҳар ижтимоий сиёсат қўмитаси раиси Александр Ржаненковнинг айтишича, ҳалок бўлганларнинг оиласига тўловлар берилиши 5 ноябрь, пайшанба кунидан бошланади. Шунингдек, оилаларнинг қурбонларни қаерга дафн этилиши юзасидан фикрлари ўрганилмоқда.
Эслатиб ўтамиз, олдинроқ 28 кишининг шахси аниқлангани ҳақида хабар берилганди.
Изоҳ (0)