АҚШ ва Британия Украинанинг Лондондаги элчиси Валерий Залужнийни Украина президенти лавозимига номзод сифатида кўрсатмоқчи. Бу ҳақда Россия Ташқи разведка хизмати (ТРХ) матбуот бюроси маълум қилди, дея хабар бермоқда “РИА Новости”.
Маълумотларга кўра, яқинда Алп тоғларида АҚШ ва Буюк Британия вакиллари Украина президенти девони раҳбари Андрей Ермак, Украина ҳарбий разведкаси раҳбари Кирилл Буданов ҳамда Украина Қуролли кучларининг собиқ бош қўмондони, Украинанинг Лондондаги элчиси Залужний иштирокида махфий учрашув ўтказган. Унда Владимир Зеленскийни эгаллаган лавозимидан четлаштириш имконияти муҳокама қилинган.
“Америкаликлар ва британияликлар Залужнийни Украина президенти лавозимига номзод сифатида кўрсатиш тўғрисидаги қарорларини маълум қилишди. Ермак ва Буданов бунга рози бўлишди. Шу билан бирга, улар англо-саксонлардан ўзларининг ҳозирги лавозимларини сақлаб қолиш, шунингдек, бошқа кадрлар масалаларини ҳал қилишда уларнинг манфаатларини ҳисобга олиш бўйича ваъдалар олишди”, дейилади разведка хизмати хабарида.
“Ўтказилган учрашув ва унинг натижалари Украина фуқароларига мурожаат қилишга асос беради. Шундай қилиб, Алп курортида мамлакатингизнинг янги президенти сайлови бўлиб ўтди. Сиз узоқ вақтдан бери орзу қилган Украина “демократияси, мустақиллиги ва ўзига хослиги”нинг ғалабасини шундай тасаввур қилганмидингиз?”, дейилади баёнотда.
Изоҳ (0)