Россиянинг «Когалимавиа» авиакомпаниясига тегишли Airbus 321 лайнери қулаган жойда юзга яқин одамнинг жасади топилди. Бу ҳақда, Reuters’га асосланиб, «Газета.ru» хабар бермоқда.
«Кўплаб жасадлар ерда сочилиб ётибди, аксарият йўловчилар ўтирган жойида ҳалок бўлган», — дейди Миср қутқарув хизмати вакили.
Аввалроқ, авиаҳалокат натижасида самолёт иккига бўлиниб кетгани, самолёт бўлаклари остидан омон қолган йўловчиларнинг овозлари эшитилаётгани ҳақида хабар берилган эди.
Аввалроқ, «Когалимавиа» авиакомпаниясига тегишли самолёт қулаш оқибатида тўлиқ вайрон бўлгани ҳақида хабар берилган эди. Самолёт бортида 224 киши — 200 катта ёшли ва 17 нафар бола, шунингдек, экипажнинг 7 аъзоси бўлган.
Эслатиб ўтамиз, лайнер 31 октябрь, шанба куни Тошкент вақти билан 8:51 да Шарм-аш-Шайхдан Санкт-Петербург томон ҳавога кўтарилган ва орадан 23 дақиқа ўтиб радарлардан йўқолган. Россия президенти Владимир Путин эса ҳалок бўлганларнинг яқинларига ҳамдардлик билдирди.
Изоҳ (0)