Мисрда қулаган Россия самолёти экипажи ўтган ҳафта давомида бир неча бор двигатель билан боғлиқ муаммолар юзасидан шикоят қилган. Бу ҳақда, «РИА Новости»га асосланиб, «Газета.ru» хабар бермоқда.
Бу ҳақда «РИА Новости»га самолёт ҳаво кўтарилган Мисрдаги Шарм-аш-Шайх аэропортидаги манба маълум қилган.
«Ушбу лайнер ўтган ҳафта давомида двигателнинг ишга тушиши билан боғлиқ муаммолар сабаб бир неча бор техник хизматга мурожаат қилганди», — деди манба.
Эслатиб ўтамиз, Россиянинг «Когалимавиа» авиакомпаниясига тегишли самолёт 31 октябрь, шанба куни Тошкент вақти билан 8:51 да Шарм-аш-Шайхдан Санкт-Петербург томон ҳавога кўтарилган ва орадан 23 дақиқа ўтиб радарлардан йўқолган. Қулашдан аввал самолёт парвоз баландлигини кескин пасайтиргани айтилмоқда.
Бортида 224 киши бўлган самолётнинг қулаганини Миср бош вазири девони тасдиқлади, Россия Фавқулодда вазиятлар вазирлиги эса Мисрга қутқарувчиларни юборишга шайлаб қўйганини маълум қилди.
Изоҳ (0)