Россия Фавқулодда вазиятлар вазирлиги Мисрда Россия лайнерининг қулаши муносабати билан бортида қутқарувчилар бўлган учта самолётни Мисрга жўнатишга шай ҳолатга келтирди. Бу ҳақда «РБК» хабар бермоқда.
Россия ФВВ матбуот хизмати ахборотига кўра, «Спас» марказининг аэромобил гуруҳи бўлинмаси, ФВВнинг «Лидер» маркази, иккита Ил-76 самолётлари ва битта Бе-200 самолёти тайёр ҳолга келтирилган.
Шарм-аш-Шайхдан Санкт-Петербургга учган «Когалимавиа» авиакомпаниясининг Airbus 321 лайнери Тошкент вақти билан 31 октябрь, шанба куни соат 8:51да Мисрдан кўтарилган ва орадан 23 дақиқа ўтиб радарлар экранидан йўқолган.
Шарм-аш-Шайх аэропортидаги манбанинг «РИА Новости»га маълум қилишича, парвоз бошланганидан сўнг самолёт учувчиси техник носозликлар сабаб йўналишни ўзгартириш ва Қоҳира аэропортига қўниш учун рухсат сўраган.
Миср бош вазири Исмоил Шариф девонининг маълум қилишича, самолёт Sinaй ярим оролида қулаган. Мазкур ахборотни Миср Транспорт вазирлиги ҳам тасдиқлади. Самолёт бортида 224 киши — 200 катта ёшли ва 17 бола ҳамда экипажнинг етти аъзоси бўлган.
Изоҳ (0)