Душанбеда МДҲ ҳукумат раҳбарлари кенгаши мажлисидаги чиқиши чоғида Қозоғистон Республикаси бош вазири Карим Масимов мазкур тадбир билан Қозоғистон МДҲдаги раислигини якунлаётганини маълум қилди, дея хабар беради Kazakhstan Today.
«Яқинда МДҲ давлат раҳбарлари кенгашида раислик навбати расман қирғизистонлик ҳамкорларимизга берилди. Шу муносабат билан ҳамдўстликдаги барча ҳамкасбларга раислигимизда берган кўмаклари учун миннатдорчилик билдириб, Қирғизистонга 2016 йилда муваффақият тилаб қоламан», — дея таъкидлаган Масимов.
Душанбедаги мажлис иштирокчилари томонидан МДҲга аъзо давлатларнинг ижтимоий-иқтисодий, гуманитар ва ҳуқуқ-тартибот соҳаларидаги ўзаро муносабатларини ривожлантиришга оид 40 га яқин масала муҳокама этилди.
Изоҳ (0)