Samsung компанияси йил охирига қадар улкан Galaxy View планшетини тақдим этиши кутилмоқда. Бу ҳақда «Hi-tech.mail.ru» хабар берди.
Ритейлерлар каталогида янги планшетга бағишланган саҳифа пайдо бўлди. Samsung янгиликни планшет ва телевизор оралиғидаги, уй бекалари ва болалар учун айниқса қўл келадиган гаджет сифатида талқин этмоқда.
Galaxy View’нинг техник хусусиятлари қуйидагилардан иборат: 18,4 дюймли, 1920х1080 пикселли TFT дисплей, частотаси 1,6 ГГц бўлган саккиз ядроли Exynos 7580 процессори, 2 ГБ тезкор ва 32 ГБ доимий хотира, 2,1 мегапикселли олд камера, 802.11аc’гача бўлган Wi-Fi. Аккумулятор сиғими 5700 мАч, бу 8,5 соат давомида видео кўришга етади. Планшетнинг LTE модулли кўриниши ҳам бўлиши мумкин.
Ишлаб чиқарувчи томонидан тақдимот санаси эълон қилинмаган, бироқ компания янги йил байрамларига қадар сотувга чиқаришга улгуриши учун Galaxy View’ни йил охиригача кўрсатишини куncа бўлади. Гаджет барча бозорларга мўлжаллангани ёки чекланган мамлакатлар учун чиқарилиши ҳақида ҳозирча маълумот йўқ.
АҚШ бозорида 32 ГБ доимий хотирага эга SIM-карта учун слотсиз гаджет 599 доллар туради, бошқа давлатларда нарх бундан ҳам баланд бўлиши мумкин.
Изоҳ (0)