Массачусетс технология институти Компьютер фанлари ва сунъий интеллект лабораторияси тадқиқотчилари Wi-Fi ёрдамида девор ортидаги кишилар шарпаларини ажратиш имконини берувчи дастурий таъминотни яратди. Бу ҳақда TJournal хабар бермоқда.
RF-Capture деб номланган қурилма Wi-Fi сигналларини тарқатади ва уларнинг тасвирига қараб макондаги турли объектларни ажратади.
RF-Capture қандайдир тўсиқ ортида турган 15 нафаргача одамни 90 фоизгача аниқликда ажрата олади. Шунингдек, тизим одамнинг нафас олаётганини аниқлайди, юрак уриш тезлигини ўлчайди.
Баъзи экспериментлар чоғида, ҳатто, девор ортидаги киши қоғозга нимани ёзаётганини ҳам аниқлашга эришилди.
Тадқиқотчилар қурилмани кекса кишиларни назорат қилиб, зарур пайтда уларга тез ёрдам машинасини автоматик тарзда жўнатиш мақсадида ишлатиш мумкинлигини таъкидлади. Шунингдек, у «ақлли» уйларнинг асосий таркибий қисмига ҳам айланиши мумкин.
Изоҳ (0)