Россиянинг Хабаровск ўлкасида йўл-патруль хизмати ходимлари диний маросимлар агентлиги автобусини тезликни оширгани учун тўхтатганида, тобут ичига солиб қўйилган 0,5 тонна қора икрани аниқлади, дея хабар бермоқда «РИА Новости» ИИВ расмий вакилига таяниб.
Автомобилни бошқарган эркак аёл кишининг жасадини олиб кетаётганини айтган. Маъмурий ҳужжат тузиш чоғида полициячилар ҳайдовчидан салонни кўрсатишни сўраган. Салонда жасад бўлмаган, тобут ичидан эса полициячилар термоўрамга солинган икра контейнерларини топган.
Диний агентликнинг икки ишчиси қўлга олинган. Бироқ улар тобут ичига жасад ўрнига бошқа нарса солинганидан бехабарлиги, уни ўзларига номаълум кишилар буюртмасига биноан олиб кетаётганини айтган.
Полиция ўта қимматли биологик сув ресурсларини ноқонуний қўлга киритиш ва ташишга алоқадор кишиларни қидирмоқда.
Изоҳ (0)