Афғонистон телеканали бошловчиси Ҳиндикуш тоғларида рўй берган зилзила вақтида видеога тушиб қолди, деб хабар беради «Nur.kz».
7,5 магнитудали ер қимирлаши 26 октябрь, душанба куни Афғонистоннинг шимоли-шарқида рўй берди.
Афғонистоннинг Ariana TV Network телеканалининг янгиликлар бошловчиси тўғридан-тўғри эфирдаги чиқиши вақтида ер силкиниши юз берди. Натижада телебошловчи ўз ўрнини тарк этишга мажбур бўлди.
Эслатиб ўтамиз, Афғонистоннинг Ҳиндикуш тоғларида юз берган ер силкиниши бир қатор қўшни давлатлар, жумладан, Ўзбекистонда ҳам сезилган. Фавқулодда вазиятлар вазирлиги матбуот хизмати содир бўлган зилзила натижасида Ўзбекистонда қурбон бўлганлар ва вайронагарчиликлар қайд этилмаганини маълум қилган.
Изоҳ (0)