Америкалик ҳарбийлар ва махсус хизматлар ходимлари бутун дунё бўйлаб маълумотлар алмашинуви амалга ошадиган кабеллар жойлашган жойларда Россия кемалари ва сувости кемалари тўпланишидан хавотирга тушди, дея хабар бермоқда TJournal The New York Times’га таяниб.
Пентагон ва махсус хизматдагилар Россия кемалари устидан назорат айнан қандай амалга ошишини очиқ-ойдин ошкор қилмади, бироқ шахсий суҳбатлар чоғида улар журналистларга Россия кемалари сўнгги пайтларда маълумотлар интернет орқали қитъалараро узатиладиган сув ости кабеллари жойлашган йўллар бўйлаб айниқса фаол ҳаракатланаётганини айтди.
Бунда гап Шимолий денгиздан Шимоли-шарқий Осиёгача ва ҳатто АҚШ соҳилларига яқин сувларгача бўлган йўналишлар ҳақида бормоқда.
Газета таъкидлашича, ҳозирча Россия флоти интернет-кабелларни кесаётганини тасдиқловчи маълумотлар йўқ, бироқ Пентагонда ўсиб бораётган хавотирлар АҚШ Россиянинг ҳар қандай қадамига ишончсизлик билан муносабатда бўлишини кўрсатади.
Изоҳ (0)