Тўрт ёшли америкалик болакай Луизиана штатида жойлашган Амит-Сити аҳоли пунктидаги тайёрлов мактабига ўқланган тўппонча кўтариб келди. Бу ҳақда «ТАСС» хабар бермоқда.
Маҳаллий WDSU-TV телеканали маълумотларига кўра, болакай ота-онасининг машинасида қаровсиз қолган қуролни топиб олган ва синфдошлари олдида мақтаниш учун сумкасига, дарсликлар орасига солиб қўйган. Бу ҳақда синфдошларидан бири ўқитувчига, у эса директорга хабар берган.
«Мерган»нинг ота-онаси — Кензи ва Кениша Стептога «болалар ҳуқуқбузарлигига кўмаклашиш» айби қўйилди.
Изоҳ (0)