Европа умумий юрисдиксия суди Украина мамлакатнинг собиқ президенти Виктор Януковичнинг, унга нисбатан жорий этилган санкцияларни бекор қилиш иши бўйича юридик харажатларини қоплаб бериши кераклиги ҳақида қарор чиқарди. Бу ҳақда, «РБК» хабарига кўра, собиқ президент оиласи манфаатларини ҳимоя қилаётган Британиядаги Joseph Hage Aaronson адвокатлик компанияси матбуот хизмати маълум қилди.
Янукович 2014 йил майидан бери ўзига нисбатан амалда бўлган санкциялар устидан шикоят қилиб, судга мурожаат қилган. Кейинроқ Украина суд жараёнига қўшилиш учун Европа умумий юрисдиксия судидан рухсат сўраган, бироқ 2014 йил декабрида мазкур илтимоснома қайтариб олинган.
2015 йил мартида эса Янукович, суд ишига Украинанинг қўшилишга ҳаракат қилгани билан боғлиқ юзага келган харажатларни қоплаб беришни сўраб, судга мурожаат қилган, суд собиқ президентнинг бу илтимосномасини қондирди.
Аввалроқ Инсон ҳуқуқлари бўйича Европа суди Украина собиқ президенти Виктор Януковичнинг амалдаги Украина ҳукуматига қарши даъвосини рўйхатга олгани маълум бўлганди.
Изоҳ (0)