Ўзбекистон операторлари ва провайдерлари телекоммуникация тармоқларида IPv6 протоколига ўтиш бўйича тадбирлар режасини муҳокама қилди, дея хабар бермоқда Ахборот технологиялари ва коммуникацияларини ривожлантириш вазирлиги матбуот хизмати.
Учрашувда айтилишича, ахборот узатиш тармоғини янада ривожлантириш учун IPv6 адресациясидан фойдаланишга ўтиш керак. Бу, биринчи навбатда, дунёда IPv4 манзиллари етишмаслиги билан боғлиқ.
IPv6 манзилларини жорий қилиш жараёни анча мураккаб, чунки у иқтисодий, техник ва эксплуатацион жабҳаларни қамраб олади. У узоқ муддатли лойиҳа бўлгани сабабли, ўтиш стратегиясини олдиндан режалаштириш зарур.
Телекоммуникация бозори вакиллари учрашувда конструктив таклифлар билан чиқди ва муҳокамани «Uforum.uz» майдонида давом эттиришга қарор қилди.
Изоҳ (0)