20 октябрь куни HTC компанияси ўртача нарх категориясидаги One A9 смартфонини тақдим этди, дея хабар бермоқда TJournal. iPhone 6 ва iPhone 6s билан ташқи жиҳатдан жуда ўхшаш бўлгани учун ОАВлар унга дарҳол «Android’да ишловчи арзон iPhone» деб ном берди.
HTC One A9 аввалдан ўрнатилган Android 6.0 операцион тизими билан сотувга чиқадиган биринчи смартфонлардан бири бўлади. Алюминий корпусга эга беш дюймли қурилма 399,99 доллардан сотилади.
Ўз ўлчамларига кўра, у iPhone 6 ва iPhone 6s ўртасида туради. A9’нинг орқа томони ҳам Apple қурилмаларининг сўнгги авлодларидан кўп ҳам фарқ қилмайди. Шунингдек, унинг олд қисмида худди iPhone 6’дагидек дисплей тагида бармоқ изи сканерига эга тугма пайдо бўлди.
Янги HTC қурилмаси Snapdragon 617 процессори, 3 Гб тезкор ва 32 Гб ички хотира, 13 мегапикселли асосий камера ва олд UltraPixel модулига эга.
Изоҳ (0)