Покистон бош вазири Навоз Шариф ноябрда Ўзбекистонга келади. Бу ҳақда Dispatch News Desk нашрига таяниб, UzDaily хабар бермоқда.
Ўзбекистоннинг ушбу мамлакатдаги элчиси Фурқат Содиқов Покистон сенати ташқи алоқалар қўмитаси раиси Нузхат Содиқий билан учрашуви чоғида Навоз Шариф шу йил ноябрь ойида Ўзбекистонга ташриф буюришини маълум қилган.
Элчининг таъкидлашича, Ўзбекистон Покистон билан икки томонлама алоқаларни ривожлантиришдан манфаатдор. Бош вазирнинг ташрифи бу муносабатларни янада мустаҳкамлашга хизмат қилади.
Изоҳ (0)