Москва жомеъ масжидига Чеченистондан келтириладиган Муҳаммад (с.а.в.) пайғамбар сочини кўришга икки мингга яқин киши келади. Бундай тахминни Россия Федерацияси мусулмонлари диний идорасидагилар билдирди, деб ёзади «ТАСС».
Табаррук буюм масжидга Москва вақти билан 6 октябрь куни 18:00 (Тошкент вақти билан 20:00)да келтирилиши керак эди. Уни ҳар қандай киши ярим кечасигача томоша қилиб, ушлаб кўриши мумкин.
Зирҳли ойна билан ҳимояланган махсус капсулага жойлаштирилган муқаддас буюмни тантанали маросимларда масжидга ташриф буюрувчилар томоша қилиши мумкин.
Эслатиб ўтамиз, 23 сентябрь куни Россия президенти Владимир Путин Европадаги энг йирик жомеъ масжидни кенг кўламли реконструкциядан сўнг очиб бергач, Чеченистон раҳбари Рамзан Қодиров Москванинг янги жомеъ масжидига Муҳаммад (с.а.в.) пайғамбарнинг сочини эҳсон қилишини айтган эди.
Изоҳ (0)