Туркия президенти Ражаб Тоййиб Эрдўғон Россия билан дўстона муносабатларга путур етиши мумкинлиги тўғрисида огоҳлантирди. Бу ҳақда Meduza хабар бермоқда.
«Россия билан яхши муносабатда эканлигимизни ҳамма билади. Россия ўзи билан узвий алоқа боғлаган Туркия каби дўстидан айрилгудек бўлса, кўп нарса йўқотади, буни ёддан чиқармаслик лозим. Туркияга ҳужум НАТОга ҳужум билан баробар», — дея такидлаган Эрдўғон.
Эслатиб ўтамиз, Россия авиацияси Сурияга авиазарбалар бериш чоғида Туркия ҳаво чегараларини бузган. Россия буни ноқулай об-ҳаво шароити билан изоҳлади, аммо Туркия ва НАТО бундай баҳонага ишонмаслигини билдирди.
ОАВ маълумотларига кўра, рус самолётлари Туркия ҳудудига икки бор кирган.
Изоҳ (0)