Япониялик Такааки Кадзита ва канадалик Артур Макдоналд 2015 йилги физика бўйича Нобель мукофоти лауреатлари бўлди. Мукофот уларга «нейтрино ўз моҳиятини ўзгартира олишини намойиш этган тажрибаларга қўшган ҳиссалари учун» тақдим этилган. Бу ҳақда «Газета.ru» хабар бермоқда.
«Минг йиллик бўсағасида Такааки Кадзита Япониядаги детекторда атмосферадаги нейтрино бир ҳолатдан иккинчисига ўтишини кашф этди. Макдоналд бошчилигидаги Канадаги тадқиқот гуруҳи эса Қуёшдан учиб келаётган нейтрино Ерга йўл олганида ғойиб бўлмаслигини намойиш этди.
Бу кашфиётлар материянинг ички механизмларини тушуниб етиш ва борлиқ сирларини англашимизда муҳим роль ўйнади», — дея таъкидланади мукофотнинг расмий сайтида эълон қилинган хабарда.
Изоҳ (0)