Бугун,

  • USD 10940.05
  • RUB 182.26
  • EUR 11121.65

LG Electronics ва Google ўзаро ҳамкорликнинг янги натижаси — Google’нинг янги Android 6.0 Marshmallow операцион тизимида ишлайдиган Nexus 5X смартфонини расман тақдим этди.

Фото: LG

Фото: LG

Nexus 5X 5,2 дюймли Full HD IPS дисплейи билан жиҳозланган. Унда қўлланилган In-Cell Touch технологияси тўғридан-тўғри қуёш нурлари остида ҳам тасвир юқори сифатли бўлишини таъминлайди. Qualcomm Snapdragon 808 процессори талаб этилган ҳар қандай топшириқни узлуксиз ва осон бажариш имконини беради. C туридаги USB туфайли 10 дақиқа давомида олинган қувват деярли тўрт соат автоном тарзда ишлашни таъминлайди

Nexus 5X 12,3 мегапикселли асосий ва 5 мегапикселли олд камера билан жиҳозланган. Смартфон 4К кенгайтмали видеони ёзиб олиши, шунингдек, секинлаштирилган ҳаракат (slow motion) эффектига эга бўлиш учун тезлаштирилган съёмкани амалга ошириши мумкин.

Nexus 5X хавфсизлиги бармоқ изини таниб олиш тизими — NexusImprint ёрдамида оширилган. Телефонни блокдан чиқариш учун смартфон орқа панелидаги датчикка бармоқ билан бир марта тегиш кифоя.

Фото: LG

Фото: LG

«Биз Google’нинг энг замонавий операцион тизимига мос энг яхши қурилма яратишга интилмоқдамиз ва биргаликда эришган натижамиздан фахрланамиз», — деди LG Electronics Mobile Communications президенти Жуно Чо.

Бугунги кундан АҚШ, Канада, Буюк Британия, Ирландия, Корея ва Японияда Nexus 5X’ни Google Store орқали олдиндан буюртма қилиш мумкин. 19 октябрдан смартфон қарийб 40 та мамлакатда сотувга чиқади. Google Store ёки маҳаллий чакана дўконларда қурилма тўртинчи чоракда сотила бошлайди. Нарх-наво ҳақидаги қўшимча маълумотлар яқин ҳафталар ичида эълон қилинади.

Реклама ҳуқуқи асосида

Изоҳ
Асосий янгиликлар