Twitter асосчиларидан бири Жек Дорси компаниянинг ижрочи директорлигига тайинланди, дея хабар бермоқда Meduza.
Дорси Twitter раҳбари вазифасини вақтинча бажарувчи лавозимида 2015 йил 1 июлдан ишлаган. Октябрь бошида Twitter директорлар кенгаши Дорсини доимий ижрочи директор этиб тайинлашга қарор қилгани маълум бўлди, бироқ якуний қарор 5 октябрдагина чиқарилди.
Шу билан бирга, Дорси ўзининг бошқа компанияси — Square мобил тўловлар хизмати раҳбари бўлиб қолади. Аввалроқ Twitter ва Square манфаатларининг зид келиши эҳтимоли Дорсининг микроблоглар сервиси раҳбари лавозимини қайтадан эгаллай олмаслигига асосий сабаблардан бири сифатида келтирилган эди.
Жек Дорси Twitter’ни у 2006 йилда яратилганидан бошлаб 2008 йилгача бошқарган эди.
Изоҳ (0)