Саудия Арабистони Ҳаж вазирлигига 2015 йилда 40 дан ортиқ давлат зиёратчилар квотасини оширишни сўраб мурожаат қилди. Бу ҳақда, вазир Бандар Хожарга асосланиб, Ўзбекистон мусулмонлари диний идораси матбуот хизмати хабар бермоқда.
Вазирнинг баёнотига кўра, Макка шаҳридаги ал-Ҳарам масжидида кенг миқёсли қурилиш ишлари олиб борилаётгани муносабати билан, квотани оширишни сўраган мамлакатларга рад жавоби берилган.
«Вазир Саудия Арабистони яқин беш йил мобайнида ҳожиларни фақат эски квота бўйича қабул қилиш имкониятига эга эканини баён қилди. Ҳозир атрофдаги кўпгина бинолар бузилиб, ал-Ҳарам ҳудудига қўшиляпти», — дейилади идора хабарида.
Вазир Бандар Хожарнинг қўшимча қилишича, айни вақтдагидан кўпроқ ҳожиларни барча шароитлар билан қабул қилиш учун меҳмонхоналар етишмайди, бу ҳолат эса ҳожиларга қийинчилик туғдириши мумкин.
Изоҳ (0)